老厝邊

营业中

休息中

成日经过铜锣湾渣甸街，见到呢间叫「老厝边」嘅台式餐厅果阵都会有个问题，究竟「老厝边」系咩意思呢？终于都系要问问Google 大神，发现原来「老厝边」台语意思系老邻居咁解。而位于铜锣湾渣甸街嘅「老厝边」主打平民价钱嘅台湾美食，餐厅环境刻意营造得比较朴素少少，但系餐牌价钱亲民而份量绝对唔少呢方面就加重咗浓厚嘅人情味。我嗌咗一碗细嘅大肠面线，上枱嘅时候我真系好担心会倒泻，因为真系装得太满喇，点会谂到竟然会咁足料。食落都冇令我失望，猪肠够晒入味，面线又够幼滑。另外仲叫咗一个火腿起司蛋饼，啲芝士真系可以做到「拉丝」架，蘸埋酱汁，一啖咬落去，唔讲以为自己喺台湾呀！最后仲嗌多一杯铁观音珍珠奶茶添。店员nice之外，食物又好味。今次真系唔使搭飞机，都有满满嘅台湾幸福感觉呀。