影片
更多
2021-11-15
4246 浏览
Omakase (旨花) 🌸 $1800实不相瞒，我从来都唔钟意食鱼，无论系生定熟都唔系我杯茶🌚 但鉄人旨花既Omakase 令我改变左对鱼既印象，甚至开始爱上依种独特既鲜味😍鲑鱼籽好奢侈既前菜‼️鲑鱼籽颜色艳丽，圆润饱满，口感扎实唔黏牙，入口爆汁继而散发住淡淡既鱼卵香气🤤神奈川针鱼按照日本人既习惯，食刺身系从相对清淡既鱼食起🤓 所以第二道菜就系神奈川县针鱼🐟 口感清爽既美味小鱼，鱼肉晶莹剔透，卷著葱段，伴碟系紫色小花，更显清新感👍真鲷晶莹剔透既真鲷刺身卷著海胆，一口咬下，紧实既鱼肉除左好弹牙，仲甘爽细嫩😋 海胆既鲜甜对味蕾绝对系一种刺激，两种海产融合既口感和味道，好正👍九州白象拔蚌九州水质纯净无污染，海水较一般低温而且无杂质👍象拔蚌十分鲜甜，口感爽脆😬𫚕鱼拖罗𫚕鱼拖罗肉质甜美，脂膏丰腴，入口即融化系舌尖之上，超级正呀😍剥皮鱼味道较淡，质感扎实。将剥皮鱼肉切细同鱼肝切碎搅拌既做法叫"肝tataki"，在静冈县伊豆半岛既伊东地区好流行🙌🏻 日本人果然识食😌秋刀鱼寿司对比上一道剥皮鱼，秋刀鱼味道的确浓得多👍 鲜红色既秋刀鱼刺身唔系人人接受到，但卷上葱段同渍物，反而觉得十分清新😻鳕鱼白子+香箱
实不相瞒，我从来都唔钟意食鱼，无论系生定熟都唔系我杯茶🌚 但鉄人旨花既Omakase 令我改变左对鱼既印象，甚至开始爱上依种独特既鲜味😍
鲑鱼籽
好奢侈既前菜‼️鲑鱼籽颜色艳丽，圆润饱满，口感扎实唔黏牙，入口爆汁继而散发住淡淡既鱼卵香气🤤
神奈川针鱼
按照日本人既习惯，食刺身系从相对清淡既鱼食起🤓 所以第二道菜就系神奈川县针鱼🐟 口感清爽既美味小鱼，鱼肉晶莹剔透，卷著葱段，伴碟系紫色小花，更显清新感👍
真鲷
晶莹剔透既真鲷刺身卷著海胆，一口咬下，紧实既鱼肉除左好弹牙，仲甘爽细嫩😋 海胆既鲜甜对味蕾绝对系一种刺激，两种海产融合既口感和味道，好正👍
九州白象拔蚌
九州水质纯净无污染，海水较一般低温而且无杂质👍象拔蚌十分鲜甜，口感爽脆😬
𫚕鱼拖罗
𫚕鱼拖罗肉质甜美，脂膏丰腴，入口即融化系舌尖之上，超级正呀😍
剥皮鱼
味道较淡，质感扎实。将剥皮鱼肉切细同鱼肝切碎搅拌既做法叫"肝tataki"，在静冈县伊豆半岛既伊东地区好流行🙌🏻 日本人果然识食😌
秋刀鱼寿司
对比上一道剥皮鱼，秋刀鱼味道的确浓得多👍 鲜红色既秋刀鱼刺身唔系人人接受到，但卷上葱段同渍物，反而觉得十分清新😻
鳕鱼白子+香箱蟹
鳕鱼白子，又名“云子”，睇落好似一朵云☁️☁️ 白子其实系鱼既精巢，入口感觉滑腻🧐 外皮薄脆，内里滑嫩，口感好特别😝
香箱蟹，又名势子蟹，系雌性松叶蟹，体形虽然细，但蟹膏鲜香、肉质甜美，是唔少饕客最爱😎
香烤目光鱼
目光鱼有青绿既眼睛，所以又名青目鱼🐟 厨师选用香烤既整法，接近系零调味，更突出
鲜味😻 肉质都十分细致😋 含有相当多既脂肪，超juicy!!
Chutoro + Otoro 寿司
中拖罗系鱼腩中部位置，几乎无筋，入口即溶🤤 而Otoro 系鱼腹位置脂肪丰厚既肉，食落油脂感更感夸张，极肥美🐟
𩽾𩾌鱼肝配脆饼
𩽾𩾌鱼肝既嫩滑程度比鹅肝更甚，口感无比幼滑鲜美，香脆既饼配合𩽾𩾌鱼肝做馅料，口感非常特别👍
熊本车海老
终于到我最爱既🦐🦐 仲要系熊本县产既车海老，肉质饱满，口感弹滑爽脆，仲好鲜甜👍
北海道马粪海胆
马粪海胆产自北海道对南至九州地区一带，每年12月至2月时较为当造😎 浅橙黄色既色泽，口感奶滑creamy而浓郁，入口即溶，味道鲜甜仲带点回甘😋
白海胆
紫海胆比马粪海胆浅色，呈橙黄色，橙中带白，所以日本人叫佢做白海胆🧐 相比马粪海胆，佢既甜味无咁浓烈，反而鲜中带清😋
两款海胆都系成杯上，放系甜品杯上真系好靓🤩
池鱼刺身
日本池鱼肉厚刺少，肉质鲜嫩肥美😊 脂厚油香，入口鱼油甘香细腻，刺身更能带出池鱼令人齿颊留香的油分。配上香脆既紫菜，口感丰富👍
鉄人旨花 (铜锣湾)
铜锣湾谢斐道477-481号肇明大厦2楼
北海道牡丹虾
新鲜既牡丹虾🦐配上虾膏虾籽，系一个鲜味💯既组合☺️ 满满的虾膏虾籽，一啖放晒入口，好正‼️
赤目鱼
厨师发办既吸引之处在于食每一道菜都唔会估到系咩味道😙 依道赤目鱼系烟薰味，加上用火枪喷过表面，表面微微烧焦，但鱼肉保持到好鲜嫩😋
海鳗配玉子
超厚肉既海鳗😍 本身怕腥，都一般钟意食鳗鱼，依个酱烧海鳗一啲都唔腥，仲超级juicy😋 玉子入口即化，口感好松化🙂
海胆鲑鱼籽吞拿鱼手卷
全晚厨师都好细心，不停问我地食物啱唔啱食，够唔够饱☺️ 到甜品前最后一道菜，师傅知我地个胃仲有位🙊 特登整多个手卷俾我地食😎 海胆、鲑鱼籽、吞拿鱼，依个组合真系令人超满足😆
龙虾面豉汤
大大旧🦞肉煮既面豉汤真系好鲜味，食左咁多刺身可以帮助清一清味雷🤓
甜品: 夕张蜜瓜, 抹茶/芝麻雪糕
饮饱食醉当然要召唤甜品胃😎 食件超甜既夕张蜜瓜，再食啖雪糕🍨 今餐真系十分满足😁
整体来说，今次既Omakase体验超高质😌 食完一道菜就好期待下一道食咩，好有新鲜感😆 我平时食野都系超级快，食餐饭可能只会用20分钟😂 但今餐我食左接近3个钟，学下慢慢去品尝美食，慢活一下😉
张贴
