湯火功夫麻辣燙 (已結業)

开始步入秋凉，想食辣嘢暖吓身？唔驶去咁远嘅，近近哋铜锣湾都有介绍！呢间汤火功夫主打麻辣烫，辣度麻度都可以自己拣，如果完全唔辣得，都仲有其他汤底选择，今晚一于简简单单，同A姐食番碗麻辣烫啦。呢度除咗麻辣烫汤底，仲有蕃茄汤底同冬阴功汤底。不过，我哋两个都对自家制嘅麻辣汤底最有兴趣，无论辣度麻度都可以自己拣，拣完都觉得唔够麻唔够辣？枱面仲可以自己加麻加辣，加到够为止。招牌麻辣烫M佬拣咗莴笋、金菇菜、肥牛、云南米线（小麻小辣）A姐拣咗豆卜、油麦菜、嫩牛、云南米线（走麻中辣）汤底用咗好多花生同花生酱，所以汤底够滑，加上唔同嘅麻辣配料，汤底够辣又够香。而配料都好新鲜，索晒汤就最正！