Shining Restaurant & Lounge (已結業)

好耐冇食过晚市喇，见开返即刻约朋友去铜锣湾饮嘢。我哋拣咗呢间楼上嘅Shining x 龙图，虽然喺铜锣湾但系都唔会太多人。通常饮嘢嘅地方都好少嘢食，呢度又可以送酒又饱肚，同时有好多港式嘅小菜。每位食客都会有例汤一碗，我哋𠮶晚就饮咗西洋菜猪骨汤。朋友未到齐，我哋就叫咗几多前菜，首先有怀旧手打虾多士，好香脆而且食落去啖啖虾肉。之后有百花马友虾胶煎肉饼，满满咸香味送酒一流。仲有金沙椒盐中国薯条，即系炸白饭鱼，咬落畀薯条更加脆。主菜方面，我哋叫咗香蒜韭菜花虾干爆牛肩肉，牛肉口感好稔好软，同时炒得好香，韭菜亦非常爽口，仲有好香口嘅虾干。我哋仲叫咗个九龙酱园面酱炒什菜，即叫即炒，放低嘅时候热辣辣出晒烟，好够镬气，豆瓣酱亦都好入味。餐厅装修风格几特别，走酒吧嘅路线，感觉好好气氛。