Giacomo Ristorante (已結業)

疫情下成日同朋友去staycation，今次去铜锣湾皇冠假日酒店，中午揾食时就见到呢间Giacomo意大利餐厅。餐厅环境好靓～用灰蓝色做主调，楼底好高，而且枱同枱之间都好有空间坐得好舒服。窗边仲系用咗落地玻璃，好光猛。我哋本身都好少会叫咁优雅嘅食物，但嚟到呢间餐厅就一于试一试慢活吓～Cheese Selection：是意大利芝士同法国芝士。旁边嘅多士好特别原来系用红酒做出嚟嘅Toast，旁边仲有少少橘子果酱同埋提子干配衬。平时食呢啲芝士拼盘只有芝士嘅咸味，餐厅俾埋少少果酱就觉得可以有唔同食法，冇咁闷。Red Prawn Spaghetti Chitarra：见到卖相𠮶阵都有啲惊讶，因为只虾好大只，食落好新鲜，啖啖肉。意粉挂住好多酱汁，吸晒啲味。而且软硬度适中，都算唔错。但如果份量多返少少可能会好啲，有啲细碟咗。Mayura Beef Tenderlion：牛里脊约煮至7成熟，食落好淋身，无咩筋。牛味算好香浓，而且伴碟嘅蘑菇都吸收到好多牛肉汁。点埋下面铺底嘅青酱汁，感觉无咁腻。