星海薈 (利舞臺廣場)

营业中

休息中

約咗屋企人去銅鑼灣利舞臺嘅星海薈食晚飯，餐廳走時尚高雅路線，樓底好高，花卉佈置隨處可見，有花花拱門，連接上下層嘅旋轉長樓梯扶手亦佈滿花飾。加上幾盞流線型嘅水晶吊燈，環境好適合舉行婚宴。招牌白胡椒蟹$683 餐牌推介呢道菜，見到好多枱都有點，梗係叫嚟試吓。大大隻肉蟹用鐵板上，熱辣辣，啲汁仲滾出晒煙。用料份量十足，咬落啖啖肉之餘，肉質好新鮮好鮮嫩，用洋蔥、金不換、白胡椒調味，食落好惹味，不愧為招牌菜。紅燒王子乳鴿$68乳鴿燒得唔會過火，口感皮脆肉嫩，非常入味，而且肉汁滿滿。菜脯肉鬆炒飯$138食完啲重口味嘅嘢，想試返啲傳統炒飯。呢度炒飯好夠火候，乾身又香口，仲好香蛋味，唔知係咪加左咸蛋黃呢🤔加埋菜甫口感好好，大大碟食完滿足晒。