鬼金棒

营业中

休息中

今日同朋友嚟到鬼金棒呢间拉面店，店舖装修用咗，日本恶鬼做主题好有特色👹，另外系用qr code嚟落单，餐厅主打麻辣拉面，而且有5️⃣个级别嘅辣到比你拣。增量叉烧辣麻味噌拉面 (小辣，小麻) $120叉烧有两大旧，唔系平时食开圆形好薄身𠮶款嘅叉烧，而系厚切五花腩，叉烧有少少肥膏食落软淋淋好嫩滑，味玉做到好唐心嘅效果，拉面比较粗身，面质比较硬，食落几弹牙，汤底好浓郁带有小小麻辣味，钟意食比较浓味嘅朋友仔可以试下，加咗小辣好惹味。特制麻辣味噌拉面 (无辣，无麻) $130汤底好浓郁嘅麻油香味，加咗粒味玉$15，仲有一大旧叉烧、芽菜、玉米笋，芽菜好挂汤，连埋拉面一齐食好有口感。