阿麥廚房 (已結業)

朕既贴身随从话未食过丹麦既炸脾，今日就专登过去食，当朕左手一只炸脾，右手一罐可乐，在丹麦附近徘徊之际，朕突然望到有间西餐而朕又未食过，于是就望一望佢个餐牌，见都几啱朕既胃口，于是乎食完饮完就即刻行入去试一试！两个人叫左两个升级Set Din，前菜转左做香煎法国鹅肝配焦糖酒醋草莓，鹅肝煎到外脆，入面香软，油份充足，咬落啲油俾多士吸收，真系一滴都无浪费！另外就系大虾占米多，虾肉爽口弹牙，酱汁非常惹味，另外仲有啲菇菇喺度索汁，一啖食落，层次丰富。汤朕就叫左黑松露菌忌廉汤，忌廉香甜，加上大量菌茸同埋黑松露，饮落好丰满。黑松露面包蟹意大利饭，蟹肉手拆开，蟹膏则用作炒意大利饭，最后蟹铺面再焗，黑松露另上，意大利饭有浓郁既蟹膏味，再配埋少少黑松露，吊出佢既鲜味！德国式烧咸猪手，猪皮烧到香脆，而入面啲肉仲系好香嫩，加埋中间层少少既肥肉，又有少少黏口，层次分明，不俗！！！最后仲叫左杯Cappuccino，佢既奶泡打得好细滑，又够丰满，饮落香味久久不散，完美既终结！－－－－－完－－－－－