影片
更多
2023-07-17
678 浏览
平时嘅post好少会用到”隐世”呢两只字，但系呢一间位于铜锣湾嘅Ramen Nagi绝对称得上系隐世，要从希慎出面一路沿渣甸坊行入去，行到差唔到尽头先揾到呢间拉面店，如果唔系喺朋友推介，我哋一定唔会行入呢条巷，唔会发现原来条街收埋咁多餐厅😂 今次我哋就一人嗌咗一碗拉面再加多一个店员亲自推介嘅日式豚饺。拉面凪嘅拉面系唔包玉子，所以想食嘅话就要另外追加玉子喇，可惜我哋去𠮶阵咁啱日本有禽流感，餐厅冇蛋供应 ，试唔到佢嘅玉子🥹 黑骨($96) & 赤骨($96) 🍜不论系黑骨定系赤骨，佢哋个汤底都系用猪骨熬制，分别在于加黑蒜定辣椒油。拉面上一球嘅嘢其实系肉碎嚟嘅，店员提醒我哋捞匀啲肉碎落个汤底度再去饮啲汤会更加浓郁。整体嚟讲个汤底好浓郁，黑蒜味唔会话太over。赤骨我地就拣咗大厨推介，所有野都等大厨决定，出到嚟都几好食，但个汤底都有啲辣，唔食得太辣嘅都系自己拣返辣度比较好。拉面嘅软硬度亦都有得自己拣，黑骨我地拣咗普通软硬度，但个面出到嚟其实都偏软多啲啲，如果你钟意食淋身少少嘅话就啱晒。配菜方面，虽然冇咗只蛋🫠🫠，不过叉烧肥瘦适中，黑木耳同埋椰菜丝增加咗拉面嘅口感！ 凪日式豚饺 🥟小食方面，饺子
今次我哋就一人嗌咗一碗拉面再加多一个店员亲自推介嘅日式豚饺。拉面凪嘅拉面系唔包玉子，所以想食嘅话就要另外追加玉子喇，可惜我哋去𠮶阵咁啱日本有禽流感，餐厅冇蛋供应 ，试唔到佢嘅玉子🥹
黑骨($96) & 赤骨($96) 🍜
不论系黑骨定系赤骨，佢哋个汤底都系用猪骨熬制，分别在于加黑蒜定辣椒油。拉面上一球嘅嘢其实系肉碎嚟嘅，店员提醒我哋捞匀啲肉碎落个汤底度再去饮啲汤会更加浓郁。整体嚟讲个汤底好浓郁，黑蒜味唔会话太over。赤骨我地就拣咗大厨推介，所有野都等大厨决定，出到嚟都几好食，但个汤底都有啲辣，唔食得太辣嘅都系自己拣返辣度比较好。拉面嘅软硬度亦都有得自己拣，黑骨我地拣咗普通软硬度，但个面出到嚟其实都偏软多啲啲，如果你钟意食淋身少少嘅话就啱晒。配菜方面，虽然冇咗只蛋🫠🫠，不过叉烧肥瘦适中，黑木耳同埋椰菜丝增加咗拉面嘅口感！
凪日式豚饺 🥟
小食方面，饺子煎得几脆，食到肉嘅甜味，自家制嘅萝卜醋别有一番风味，值得一试！
特别要称赞店员嘅服务态度，上菜嘅时候会同我哋讲解应该点样食。最后，温馨提示大家，佢哋嘅拉面系极度限量供应，如果迟过7:30嘅话基本上可以第日再嚟过，因为真系太受欢迎好早就会卖晒，我都摸过一次门钉先真正食到🥲🥲
张贴
