CHIMPZ (已結業)

【闹市隐匿高质小店】系铜锣湾闹市，希慎广场附近有间好隐匿既小店，而Chimpz就系好意外美味既小店。意大利黑松露牛肝菌意粉一捧上来，先闻到劲香既黑松露同牛肝菌既香味，每一啖意粉都食到好浓郁又creamy既酱汁。日本甲罗烧蟹膏味噌意大利饭之前食过唔好味既甲罗烧，劲腥，但呢个完全无。而满布蟹膏既甲罗烧，睇落好吸引，入口鲜味香浓，配埋岩岩好既谂大利饭，味道超一流，食到停唔到哦~水牛城鸡翼炸得劲香脆，但唔会炸到好干，配埋酸酸辣辣既酱汁，佢为餐前小食，劲开胃。流心海胆忌廉饼外皮炸得超酥脆，入面海胆忌廉超流心，劲creamy, 但小心食用，新鲜热辣炸起~日本麻薯窝夫饼配雪糕拣左朱古力味，味道不太甜，但配埋曲奇既雪糕，甜味就岩岩好。法式焦糖炖蛋炖蛋劲滑浓浓奶香，焦糖厚得脆身，甜度适中。