Lúa (已結業)

铜锣湾有一间装修好靓嘅越南餐厅 里面好多灯笼 环境好正 平时仲有驻场歌手系都表演 气氛唔错！今日都叫咗好几款越南美食：⭐️生牛肉杂锦汤河里面有牛肉牛丸肉料丰富 食到汤底冇咩味精 味道清甜几舒服 加晒佢既配料就会更加清爽轻盈⭐️黄姜鸡胸茴香叶捞檬捞檬我就食得多 但黄姜呢个配搭就第一次 味道都唔错 特别系佢既鸡几好味 味道浓郁 加埋酸酸既罗伯丝 好开胃⭐️家乡炒龙豆从来未食过呢种野食 见佢话越南直送就试一试 哗好特别 口感好爽 再加上佢用酸甜既酱炒 好惹味⭐️班兰布甸法包配自家制椰子雪糕呢个甜品我期待左好耐 网上见到卖相好吸引 再加上我好钟意食班兰味 呢个冇令人失望 法包香脆加上酱同雪糕 口感丰富味道好好 整体嚟讲呢间餐厅嘢食唔错 环境打卡都几靓👍