Goobne Chicken (V Point)

营业中

休息中

呢次嚟到位于铜锣湾V Point嘅韩国餐厅「Goobne Chicken 」。佢哋喺韩国有超过一千间分店嘅人气过江龙，餐厅主打系较为健康嘅烤鸡，而佢哋嘅烤鸡有多种不同嘅口味，亦可以选择有骨或者无骨，啱晒我呢啲钟情啖啖肉嘅人。蜜糖蒜香烤鸡：呢次嘅蜜糖蒜香口味嘅酱汁够哂香甜惹味，又带有香浓嘅酱油香，同烤鸡好夹。烤鸡做到皮香脆，肉质保持嫩滑，满满嘅肉汁，而佢哋一啲油腻感都无，因为烤焗嘅过程中经已将油份逼哂出嚟，好啱追求健康嘅人食。卡邦尼年糕：呢度嘅意粉份量都几多，相对年糕就少咗啲，但系佢哋呢个用奶油酱再加埋Grana Padano芝士所煮嘅汁劲creamy，每条意粉都挂满酱汁，而且仲加入埋烟肉嘅油香，令意粉同埋年糕味道都更为丰富。