過客 (已易手) 新餐厅

间餐厅喺铜锣湾嘅新开商业大厦顶层，环境 好舒适，装修设计走清新风格，布置简洁干净，最紧要系个厕所，唔似一般餐厅湿笠笠逼逼涩涩，转身先开到门，佢哋个厕所又大又干净，成个化妆间咁。餐厅楼底好高，两边全落地玻璃，日头够晒自然光，好开扬，坐喺近窗位饮嘢食饭，好有休闲feel，又有好大嘅露台位置，同朋友喺室内饮嘢又得，去露台睇住铜锣湾风景吹下水又得，环境几好。啲食物质素都好好，意粉软硬度适中，牛腩又淋又入味，伴埋沙律食，有啲中西fusion感觉。平时唔系好饮得酒嘅我，试左老板推介嘅餐厅signature饮品，据讲系手工啤加原个鲜打柠檬成汁加埋一齐，味道好清新，啱晒唔系太识饮酒嘅女仔，我哋几个女仔，饮完一杯又一杯，超正。仲有，老板会成日过嚟同我地倾计，绝对唔介意你坐几耐，𠮶日同班姊妹由晚饭坐到夜晚十二点先肯走，非常尽兴