MEMOIR (已結業)

喺铜锣湾行完街，都系去咗永光中心揾嘢食，见到西餐平平哋，就拣咗呢间。入到去发现原来佢系一间有故事嘅餐厅，做紧活动系大家聚餐嘅时候，将电话放入店舖精美嘅鸟笼入边，令到大家嘅聚会当中系唔会出现揿电话同玩电话嘅情况，咁就可以获得甜点。餐汤系忌廉汤， Creamy，入口好滑。$128 柠檬明太子象拔蚌忌廉扁意粉第一次食到明太子配柠檬呢个口味，原来两者都几夹，好清新。加入咗柠檬之后，明太子就唔会太咸，啱啱好。每一条意粉都挂满酱汁，象拔蚌弹牙。$148 蕃茄墨鱼汁海鲜意大利饭系黑蚊蚊嘅墨鱼饭，最得意嘅系，食完唔会好似其他咁成咀都黑色。带有蕃茄味，配上虾，帆立贝，蟹钳，呢个价都几抵食。+$98 鹅肝配苹果跟餐加钱就可以食到鹅肝，鹅肝煎得啱啱好，超级Juicy，配埋苹果蓉，清新。+$48 黑加仑子薄荷特饮第一次见到呢个组合。成杯嘢都好啱打卡，好靓甜甜地之余就有薄荷香，成个醒晒。+$0 冻柠水虽然佢冇柠檬，但饮落口系冻柠水味，糖浆可以另外自己加。总括嚟讲，铜锣湾呢个价钱算平，有惊喜。