ZENTRO EAST (已易手) 新餐厅

之前响利园食幸福pancake时见过呢间餐厅，装修好靓丶感觉好高级，望下个lunch menu又唔算贵，最重要个lunch menu系横跨12:00至19:30，于是揾日放假去认认真真咁叹下。餐厅既装修真系好stylish,玫瑰金配石墙，感觉好高级。当日有D阳光，坐窗边映衬埋外面既植物真系好relax,不过因为太晒所以后来转左位。呢间餐厅系食fusion菜，menu上有各国美食，我哋拣左北海道带子鲜虾蕃红花烩意大利饭同西班牙炭烧猪架配芥末汁及蔬菜。成个餐有汤丶沙律丶主菜同饮品，主菜份量略少，男士一定唔够饱，女士就啱啱好。老实讲，意大利饭个名就长，味道就略淡，唔会留下深刻印象，反而个炭烧猪架有惊喜，炭火锁住肉汁，肉嫩又juicy ，配上芥辣真系提到味，性价比高！红萝卜creamy汤同salad都算合格。要一提既系员工自己态度较散漫，坐得入面会较容易比人忽略 ，餐厅要注意。如果以百多元的价钱在这地段享用这餐，算不错了！