焱丸水產 (已結業)

成日过黎铜锣湾食一兰，都俾隔离呢间居酒屋嘅外貌吸引，今次特登过嚟食呢一间，入到去入面嘅装修真系好似去咗日本居酒屋嘅感觉！去到梗系饮返杯梅干high ball先有感觉~先食个刺身七盛，每样都好新鲜，最钟意系入口即溶嘅大拖罗！！三文鱼中卷，有咬口，配埋牛油果一齐食个口感几特别！跟住黎既系野菜天妇罗，入面有菇、秋葵啊，仲有番薯，炸粉厚度啱啱好 ~~蟹味增甲罗烧即场喺你面前烧出黎，热辣辣！配埋个北海道海鲜炒饭一齐食，味道啱啱好矶烧带子汁烧食落味道鲜甜，仲有一齐烧埋既芝士鱼蛋、柳叶鱼，原来柳叶鱼可以就咁一条食，好似无骨咁！ 总括而言，成餐饭嘅感觉就好似真系置身系日本一样，无论环境、装修定系食物都系一流！