醉忘魚屋 (已結業)

同朋友黎咗呢间铜锣湾新开嘅楼上日本餐厅，餐厅环境舒适，座位阔落。我哋两个人叫咗两款前菜、刺身、几款串烧同姿烧，无论喺菜式嘅配搭、设计同摆盘上面都见到师傅嘅用心。日落(薯仔) $48呢款个名叫日落嘅前菜其实系非常有特色嘅薯仔沙律，沙律面头加咗甜虾干，中间就收埋咗只糖心蛋黄，至于底层就有海草，捞埋一齐食，就有唔同口感。而且仲加咗柠檬汁，够哂开胃。吞云吐雾 $68另一款同样非常有特色嘅小食，用咸香嘅灸烧cream cheese配搭酥脆嘅炸海苔，夹住一齐食滋味升级，仲带淡淡炭香。上枱时更加附带有烟熏效果，非常吸睛。原条池鱼刺身 $168师傅将原条嘅池鱼厚切做刺身，摆盘非常精致，份量两个人食岩岩好，性价比高。池鱼新鲜，肉质爽嫩，味道鲜甜。我哋另外仲叫咗几款串烧，分别有：-白烧鳗鱼 ($58)：外皮烧得好香身，肉质厚弹冇骨。-一口牛 ($48)：牛肉腍嫩，肉味香浓，咬落有肉汁。-手羽先 ($30)：鸡皮脆得黎，入面嘅鸡肉仲keep到好嫩滑。-青椒仔 $22 -豚腩肉 $32姿烧喜之次 $488压轴登场嘅有烧原条喜之次，鱼皮烧到非常之香脆，将鱼油完全锁住喺鱼入面，鱼肉嫩滑鲜甜，鱼身外面有一层薄薄嘅盐