昼月

营业中

休息中

今日lunch去开铜锣湾揾朋友，见到呢间新开嘅日式餐厅，见佢装修几靓、便当造型几别致就去试下。朋友睇相拣咗昼月鸡肉玉子丼，上菜嘅时候果然无令人失望，好似相入面咁特别。最底一层玉子，中间一层手打免治鸡肉汉堡，最顶自行加上新鲜蛋黄再淋酱油，捞埋一齐食，可以食到鸡肉同鸡蛋唔同嘅口感同味道。鸡肉汉堡系餐厅自家制，鲜嫩嘅鸡肉夹杂住软骨，好有咬口。蛋汁好香，捞饭食非常适合。我拣咗昼月特选刺身丼，餐厅非常慷慨，用料亦非常新鲜，刺身丼铺满肥美嘅三文鱼、香薰扑鼻嘅吞拿鱼鱼蓉、厚身嘅油甘鱼、好好肉地嘅鲂𫚒鱼、同大大只嘅赤虾。人生第一次食鲂𫚒鱼，但据职员所讲，时令刺身几乎日日都唔同，因为餐厅一星期四次由日本即送刺身。随餐附送面豉汤。仲有渍物做前菜。追加咗吉列生蚝，又脆又多汁。餐厅有serve 唔同嘅樽装茶，各有特色。我拣咗雪糕气泡焙茶，气泡茶茶味浓郁，亦好神奇做到雪糕味。热情果绿茶，味道相对清新，略带酸甜，食完炸嘢好啱饮。