影片
更多
2024-09-14
376 浏览
呢间出名食炸串嘅居酒屋位于铜锣湾闹市嘅商厦，咁隐蔽嘅位置平日晚上都座无虚席，未食都知呢间餐厅有一定嘅实力。店内嘅氛围非常有活力，开放式厨房香味四溢，食客恍如置身日本，有三款前菜可以拣，拣咗牛舌同茄子，即使系前菜味道都绝不马虎，佐酒一流。Frozen Beer 蜜瓜味 $68基本上系每台必点嘅泡沫啤酒，有多款口味可以选择，入口清甜口感绵密。汁煮日本花螺$68酱油味香浓入晒味，肉质鲜甜爽脆，不错嘅佐酒小食。博多牛肠锅二人份（味噌汤底） $320 拉面$38香港好少地方有得食牛肠锅，上一次食已经系喺博多，呢个锅汤头惹味浓郁，牛肠香滑油脂甘香，入口啖啖满足感爆灯，完美还原博多嘅幸福感；配有大量配菜可以中和油腻感，建议叫拉面或乌冬可以索尽汤头精华。明太子芝士玉子烧 $98热辣辣馅料非常丰富，玉子煎得刚好不会过熟，明太子芝士馅料饱满，整体搭配得宜，口感丰富。嚟得呢度当然要点招牌炸串，薄薄嘅脆浆完美保留食材嘅原汁原味，跟一盘酱汁自行调校口味，推介以下几款：特选牛 $32北海道熏肉 $32松叶蟹钳 $38子持昆布 $48日本鸡蛋猪肉卷 $38点左两款手工甜品- 红豆烧年糕、炸香蕉雪糕，年糕即叫即烧外脆
呢间出名食炸串嘅居酒屋位于铜锣湾闹市嘅商厦，咁隐蔽嘅位置平日晚上都座无虚席，未食都知呢间餐厅有一定嘅实力。
店内嘅氛围非常有活力，开放式厨房香味四溢，食客恍如置身日本，有三款前菜可以拣，拣咗牛舌同茄子，即使系前菜味道都绝不马虎，佐酒一流。
Frozen Beer 蜜瓜味 $68
基本上系每台必点嘅泡沫啤酒，有多款口味可以选择，入口清甜口感绵密。
汁煮日本花螺$68
酱油味香浓入晒味，肉质鲜甜爽脆，不错嘅佐酒小食。
博多牛肠锅二人份（味噌汤底） $320
拉面$38
香港好少地方有得食牛肠锅，上一次食已经系喺博多，呢个锅汤头惹味浓郁，牛肠香滑油脂甘香，入口啖啖满足感爆灯，完美还原博多嘅幸福感；配有大量配菜可以中和油腻感，建议叫拉面或乌冬可以索尽汤头精华。
明太子芝士玉子烧 $98
热辣辣馅料非常丰富，玉子煎得刚好不会过熟，明太子芝士馅料饱满，整体搭配得宜，口感丰富。
嚟得呢度当然要点招牌炸串，薄薄嘅脆浆完美保留食材嘅原汁原味，跟一盘酱汁自行调校口味，推介以下几款：
特选牛 $32
北海道熏肉 $32
松叶蟹钳 $38
子持昆布 $48
日本鸡蛋猪肉卷 $38
点左两款手工甜品- 红豆烧年糕、炸香蕉雪糕
，年糕即叫即烧外脆内软，香蕉即叫即炸同雪糕一齐食有双重口感。
呢间居酒屋能够做到好多高质独门菜式，气氛好、款式多，非常推介！
张贴
