岩鹽日本料理 (利舞臺廣場) (已結業)

今日同老公睇完套GT跑车浪漫旅，就系铜锣湾附近揾咗间日本餐厅食😋，入到餐厅环境好大座位好阔落，今次我地叫咗个二人餐嚟食。蒲烧鳗鱼釜饭🐟鳗鱼嚟到职员叫我地用个漏斗倒数1️⃣分钟先打个鳗鱼饭，个饭好丰富除咗鳗鱼之外，仲有枝豆、冬菇、菠菜同栗子等等，另外旁边有个鳗鱼汁，怕个饭唔够味可以捞落去等佢入味啲，个饭食到最后可以加壶茶整个茶泡饭嚟食，有几个唔同食法几吸引👍🏻。刺身三品及矶煮鲍鱼刺身好新鲜而且师傅切得好厚身，食落好肥美，刺身有呢几款包括，三文鱼、剑鱼腩、甜虾及矶煮鲍鱼，个鲍鱼好弹牙咬落一啲都唔硬，另外用咗酱汁腌制过食落好入味同好鲜嘅鲍鱼味👍🏻。味噌三文鱼鲛锅呢个汤材料好丰富，有好多旧三文鱼鲛，另外仲有京葱、豆腐、冬菇、金菇、红萝卜、娃娃菜、菠菜，令到个汤好鲜甜好入味，三文鱼鲛食落一啲都唔腥。烧安格斯牛扒🥩个安斯牛扒自己可以系炉到烧，可以控制到个生熟程度，而我钟意食比较生，牛扒每一面轻轻烤一下就得，再配埋旁边嘅酱汁，食落酸酸甜甜带出牛扒嘅鲜味，而且仲有少少入口即融嘅感觉🤤。日本蕃茄沙律🥗沙律分量都好多，上面仲有大大嘅原仔蕃茄切咗片，配埋个酱汁食落酸酸甜甜好开胃，好清新嘅感觉。