影片
更多
2021-07-15
70 浏览
寻晚上日文堂前又喺铜锣湾揾食，嚟咗呢间朋友推介嘅泰国菜。餐厅布置好靓好有格调，侍应安排咗我哋住窗边位置，坐位好宽敞舒适。【青木瓜沙律】通常食呢度菜啲青木瓜成日都会唔够熟偏硬，但呢个软硬度适中，好爽脆！酸酸辣辣到惹味！【肉碎生菜包（猪）】泰国必食之一嘅生菜包，呢度可以拣猪或鸭肉，鸭肉生菜包又真系未食过㖞，不过最后都系拣咗猪肉，哈哈！加埋多款香料，用生菜包埋食真系超正，份量亦几多吓。【清蒸海鲈鱼】今餐嘅主菜叫咗呢条鱼，成条上超大盘！！汤底用多种香料煮成，有少少冬荫功嘅风味，不过就偏甜味嘅，鲈鱼超多肉好肥美，火候啱啱好肉质好嫩滑。除咗鱼肉佢仲有猪肉丸，超丰富！【泰国露荀】平时食到嘅泰国露荀通常较幼身，呢个就比较粗一啲，不过一样咁鲜嫩，配埋红萝卜一齐炒，好清新。【蟹肉炒饭】临尾再食埋个炒饭，其实已经饱咗一大半，呢间啲份量都几多，个炒饭好有镬气，蟹肉份量都好多，配少少鱼露好好食！【饮品】点咗两杯饮品，上面都插住大量薄荷叶，无论味觉同嗅觉都系一大享受，我饮咗Vigin Taste of Maya呢款Mocktails，菠萝味好突出！因为有蝶豆花，所以杯嘢系蓝色嘅，视觉上都好特别！呢道嘅应待（同老板
【青木瓜沙律】
通常食呢度菜啲青木瓜成日都会唔够熟偏硬，但呢个软硬度适中，好爽脆！酸酸辣辣到惹味！
【肉碎生菜包（猪）】
泰国必食之一嘅生菜包，呢度可以拣猪或鸭肉，鸭肉生菜包又真系未食过㖞，不过最后都系拣咗猪肉，哈哈！加埋多款香料，用生菜包埋食真系超正，份量亦几多吓。
【清蒸海鲈鱼】
今餐嘅主菜叫咗呢条鱼，成条上超大盘！！汤底用多种香料煮成，有少少冬荫功嘅风味，不过就偏甜味嘅，鲈鱼超多肉好肥美，火候啱啱好肉质好嫩滑。除咗鱼肉佢仲有猪肉丸，超丰富！
【泰国露荀】
平时食到嘅泰国露荀通常较幼身，呢个就比较粗一啲，不过一样咁鲜嫩，配埋红萝卜一齐炒，好清新。
【蟹肉炒饭】
临尾再食埋个炒饭，其实已经饱咗一大半，呢间啲份量都几多，个炒饭好有镬气，蟹肉份量都好多，配少少鱼露好好食！
【饮品】
点咗两杯饮品，上面都插住大量薄荷叶，无论味觉同嗅觉都系一大享受，我饮咗Vigin Taste of Maya呢款Mocktails，菠萝味好突出！因为有蝶豆花，所以杯嘢系蓝色嘅，视觉上都好特别！
呢道嘅应待（同老板？）都好好礼貌，而且好主动介绍菜色，真系有宾至如归嘅感觉！另外，埋单嘅时候发觉原来系冇加一，见到佢嘅Lunch Menu都几抵食，有机会下午喺呢头要再嚟食呀！！
张贴
