泰式食

营业中

休息中

呢个晚上同朋友去铜锣湾附近食饭，朋友话想食泰菜，所以就同朋友揾左间呢区比较多好评既泰式餐厅，事关我同朋友赶住去睇戏，所以我地就决定炸炸林食，不过都要食好食既泰国菜！泰式生虾 ($115)食泰国菜唔可以唔食生虾呀，我地叫左一份生虾share食，咁呢间餐厅既生虾一份就六只，佢另外会跟个汤，我朋友话觉得个汤都ok，生虾都够新鲜，对于耐无食泰式生虾既我地表示大满足。泰式烧鸡 (半只) ($90)我地食完生虾之后黎既系泰式烧鸡，我地只系叫左半只，我地觉得半只既份量就已经够，两个人share既话半只都真系好够，呢到既烧鸡好好味，外脆内软，鸡肉超级嫩滑，极度推介食烧鸡，我觉得如果多人先叫全只，如果唔系叫半只都够架啦！菠萝海鲜炒饭 ($95)我同朋友觉得食泰菜一定要点个菠萝海鲜炒饭，呢到既菠萝海鲜炒饭都几好味，海鲜款都多，味道都几唔错，同埋真系好多粒粒菠萝，都几推介大家试。泰式奶茶 ($28)我朋友话唔饮野，我自己就叫左杯泰式奶茶，我觉得都几好饮，杯奶茶真系好泰式，佢好正宗呀，系泰式(甜度好高)既奶茶，同我系泰国饮既问题系一样。