Mr. K Pizza N Chicken (已結業)

登龙街有好多美食，今日试左Mr K Pizza炸鸡，呢度意粉炸鸡都做得非常出色，净系食个炸鸡已经饱咗，下次先再试下佢个Pizza。🍗彩虹炸鸡配芝士包 $238一次过满足你8个愿望，试到8款口味嘅炸鸡：泡菜蛋黄、黑糖、蜜糖芥末、甜辣、香草青柠、蒜香蜜糖、双重芝士、BBQ香辣。个份量大到不得了，而且每款都各有特色，再加埋中间超邪恶嘅芝士包劲正，个包焗到外脆内软，食落仲有pizza嘅香味，入面嘅芝士又劲浓郁，拉丝到劲长都唔断。🍝泡菜鱿鱼卡邦尼扁意粉 $148呢个升级版卡邦尼好特别系金黄色食嘅，食落仲有好香嘅泡菜味，超级多汁到每一条意粉都挂汁，而且仲好足料有好多粒粒鱿鱼而且好弹牙。🥗凯撒沙律 $90呢个沙律嘅罗马生菜几新鲜，凯撒酱、芝士碎同烟肉碎都好足够，系个唔错嘅沙律。