芯 (已結業)

系咁逼嘅铜锣湾广场入面，竟然比我咁好彩揾到一间超好食嘅日本居酒屋。经过呢间餐厅门口已经俾佢嘅装修吸引住左，骤眼望落去系黑色背景为主，又有吧枱同普通平时嘅枱，又有得望住窗边食饭嘅枱。咁啱餐厅Staff安排咗我哋坐喺窗口前面，我同朋友就一路等上菜，一路望住窗外既事物，一路谈天说地。可能我𠮶日比较肚饿，所以我先觉得Staff上菜嘅速度有啲慢，但系间唔中可以感受下节奏慢嘅生活都系一个唔错嘅选择！友人觉得最初既面豉汤同埋中华沙律都surprise到佢，因为中华沙律唔系净系得平时喺其他日本餐厅食到既爽口，仲有少少酸，令到我哋更加开胃！而面豉汤唔会话特别好咸或者好重味精汤既感觉，大家都可以试吓！我今次叫咗鳗鱼蛋包饭，我觉得真系几好味，烧汁鳗鱼同滑蛋嘅配搭真系令我觉得好出色！鳗鱼好似成只碟咁大条，而啲饭其实唔系俾蛋包住，只碟其实中间凹咗落去，就系放啲饭入去，滑蛋就系舖系上面！性价比真系好高，极度推荐呢款午市套餐！薄荷青柠梳打，朋友觉得呢杯嘢饮系最match到佢个名既野饮！因为呢杯野饮既薄荷叶唔同其他餐厅咁落一两片做装饰，系真系可以饮落去系有薄荷叶嘅味道喺入面！烧肉丼同埋串烧，相对来讲，就冇咁出色或者特