樂園素食

营业中

休息中

呢间餐厅位于铜锣湾总统戏院对面，位置非常方便之余，价钱又实惠，绝对推介俾想食素菜自助餐既朋友仔。适逢星期一同初一，当日开铺5分钟左右，入坐率已达三分之一，好快已经全场爆满。所以如果大家真系想食，记得预先打电话订枱。虽然人好多，但系食物refill得好快，职员都好爽手收碟执枱。午市自助餐食物非常之丰富，除咗经典嘅斋菜同饭面之外，亦都有较具特色嘅寿司同天妇罗炸物，亦有非常新鲜既沙律吧。 饮品方面，除咗热茶及豆浆外，亦都有罗汉果甘草水同洛神花柠檬水呢啲特色饮品，仲有即磨咖啡机☕。冷热甜品亦都有四至五款，绝对可以满足唔同朋友仔。系座位方面比较迫，同隔离枱既距离较近，亦唔系枱枱中间都有胶板阻隔。餐厅应该都有待本地旅行团，几团几团嘅人入嚟分开坐，又会用大声公，所以有时都会几嘈。但以呢一个价钱， 午市$88 75分钟再加一，喺铜锣湾闹市嚟讲，绝对CP值高。