Peek-A-Chill (已結業)

圣诞节喺铜锣湾行街，发觉咗呢间新开嘅泰国餐厅。未入到去已经俾佢装潢吸引，一问之下知道系泰国人主理，今次就同大家一齐试吓呢间Peek-A-Chill。菠萝海鲜炒饭🍍 $138炒饭份量十足，用料上无论海鲜净系菠萝都好新鲜。炒饭对比起港式炒饭相对黏身，配搭猪肉松入口口感十足。泰式无牙凤爪🐔 $68份量以价钱来比较CP值爆灯。凤爪相对上较辣，啱晒食得辣嘅朋友。沙嗲串🍖 半打$88无论鸡、牛、猪都好嫩滑，即使点左沙嗲酱都唔太辣。啱晒又唔太食得辣又钟意正宗泰国烧肉串嘅朋友。