影片
更多
2018-06-02
86 浏览
每上一道菜都会有店员详细解释每一道嘅食法，同埋进食嘅先后次序，仲有一一介绍碟上面嘅食物1️⃣前菜前菜入面有高野豆腐、松前渍同番茄配蛋黄酱。高野豆腐就算系成个前菜里面属于比较清淡嘅一样，豆腐用冷乌冬汁浸住，所以唔会好干。而且佢好似一旧海绵咁，吸晒啲冷汁嘅味道，入口仲有淡淡的豆香。至于个松前渍方面，鱿鱼同昆布都切得好幼细，浸系甜酱油里面，口感亦都比较爽脆。而且亦都可以食到鱿鱼嘅鲜味。虽然番茄伴蛋黄酱听落就普通咗啲，不过亦都有惊喜。番茄入口好似车厘茄咁，入口冇渣而且味道入口清甜，旧番茄仲好juicy添！2️⃣刺身四种刺身方面就有水八爪鱼、真鲷、牡丹虾同炸牡丹虾虾头。水八爪鱼分开咗肉身同埋吸盘嘅部份。水八爪鱼嘅肉身方面，晶莹剔透而且口感爽脆弹牙。至于个吸盘方面size就属于比较大粒，而且个口感超爽脆，非常特别。真鲷刺身方面，由于选用左厚切嘅方法，所以入口非常满足。而且可以完美感受到肉质嘅鲜甜同埋弹性。至于个牡丹虾方面就超级大只而且亦都好鲜甜，仲好口肉添。另外牡丹虾里面包住左啲虾膏，食落真系超级大满足呀！而且佢个虾膏仲好香添。个炸牡丹虾虾头亦都炸得非常之脆口，个粉浆亦都比较薄，所以食起上嚟非常之香脆。3️⃣
每上一道菜都会有店员详细解释每一道嘅食法，同埋进食嘅先后次序，仲有一一介绍碟上面嘅食物
1️⃣前菜
前菜入面有高野豆腐、松前渍同番茄配蛋黄酱。
高野豆腐就算系成个前菜里面属于比较清淡嘅一样，豆腐用冷乌冬汁浸住，所以唔会好干。而且佢好似一旧海绵咁，吸晒啲冷汁嘅味道，入口仲有淡淡的豆香。
至于个松前渍方面，鱿鱼同昆布都切得好幼细，浸系甜酱油里面，口感亦都比较爽脆。而且亦都可以食到鱿鱼嘅鲜味。
虽然番茄伴蛋黄酱听落就普通咗啲，不过亦都有惊喜。番茄入口好似车厘茄咁，入口冇渣而且味道入口清甜，旧番茄仲好juicy添！
2️⃣刺身四种
刺身方面就有水八爪鱼、真鲷、牡丹虾同炸牡丹虾虾头。
水八爪鱼分开咗肉身同埋吸盘嘅部份。水八爪鱼嘅肉身方面，晶莹剔透而且口感爽脆弹牙。至于个吸盘方面size就属于比较大粒，而且个口感超爽脆，非常特别。
真鲷刺身方面，由于选用左厚切嘅方法，所以入口非常满足。而且可以完美感受到肉质嘅鲜甜同埋弹性。
至于个牡丹虾方面就超级大只而且亦都好鲜甜，仲好口肉添。另外牡丹虾里面包住左啲虾膏，食落真系超级大满足呀！而且佢个虾膏仲好香添。
个炸牡丹虾虾头亦都炸得非常之脆口，个粉浆亦都比较薄，所以食起上嚟非常之香脆。
3️⃣寿司五件
寿司方面就有深海池鱼寿司、竹签鱼寿司、海鳗寿司、带子寿司同烧左口鱼裙边寿司。另外佢呢度嘅寿司醋系用咗赤醋，所以寿司饭会呈现红色。
至于个深海池鱼方面，肉质非常紧致，而且爽滑。入口仲好清甜添。
而个竹签鱼寿司就比较有惊喜，因为平时坊间都比较少见到，个味道同口感真系难以形容，要试过先知。
海鳗方面就食到有好浓郁嘅鳗鱼味，而且食落亦都相当肥美同埋大旧。肉质方面就偏向比较爽嫩。
呢度嘅带子相对比较厚身，所以入口可以食到带子独有嘅清甜味。而且带子嘅肉身光滑细致，亦都富有弹性。
至于个烧左口鱼裙边寿司方面，左口鱼经过微微嘅炙烧，渗出咗少少鱼油。而且左口鱼裙边入口接近即溶，真系非常高质。
4️⃣烧物
小编𠮶日去食嘅烧物就咁岩系赤鸡颈肉配柚子胡椒酱。个赤鸡颈肉烧得啱啱好，表面带有少少焦香。赤鸡颈肉入口比普通鸡肉更加爽口同嫩滑。配埋个柚子胡椒另一番风味。
5️⃣酢物
酢物方面就有呢个海苔酱东松岛蚝配酸醋汁啫喱。东松岛蚝肥美大只，而且肉质爽滑，超级有肉地。生蚝入口鲜甜，而且唔会好重海水味。连埋个酸汁啫喱一齐食味道就更加清新，而且完全一啲腥味都冇。
6️⃣寿司五件
第二转嘅寿司就分别系赤贝边卷、昆布海胆寿司、昆布左口鱼寿司、伊佐木寿司同拖罗寿司。
赤贝边卷里面包左啲赤背边同埋青瓜丝，所以卷物入口除咗爽口之外仲带有少少脆口。细细卷咁一啖一旧真系食得好滋味。
至于个昆布海胆寿司就系啲昆布夹住一排海胆，海胆嘅口感creamy，连埋个昆布一齐食个味道同口感都几特别下。
昆布左口鱼寿司上面嘅左口鱼裙边烧至半熟，所以入口有好香嘅鱼油味，接近入口即溶， 十分肥美。
伊佐木寿司方面，鱼生选用左厚切，所以入口可以食到满满伊佐木既鲜味。
拖罗寿司方面，拖罗入口即溶，完全食唔到有任何嘅筋，所以拖罗嘅质感会比较软绵。
7️⃣汤
小编𠮶日嘅汤就系呢个木鱼清汤，啲木鱼片系师傅即刨嘅，所以清汤上枱之后要等返几分钟先可以开始饮。清汤入口嘅味道就比较淡，不过就有好香嘅木鱼味。
8️⃣日本生果
𠮶日嘅生果就系个名好得意嘅木瓜蜜瓜。果然系瓜如其名，蜜瓜入口嘅口感好似木瓜咁比较淋身少少，但入口又有好清甜嘅蜜瓜味㖞！
张贴
