重房 (已搬遷) 新店位置

我上星期同男朋友去想食日本野，听朋友介绍就去试咗铜锣湾嘅重房。餐厅环境都唔错，我哋叫咗omakase set。白子配酸汁，佢加埋萝卜泥同一味粉，个搭配唔错几好味。梭子鱼撒芝麻碎，鱼皮有烧过好食。之后嚟咗个岩手大船渡真蚝，新鲜得嚟就系一流！𩽾𩾌鱼肝配黑七味粉，有啲独特嘅味道。矶煮鲍鱼加鲍鱼肝汁，好浓郁好浓郁。我特别中意佢哋个生死恋，系一份好有层次嘅菜式，有烧拖罗、拖罗、紫苏叶，两块炸紫菜再加埋啲柚子胡椒调味，真系好好食！烧吞拿鱼下巴 烧得好脆好香，好滋味。蕃茄莎莎配海老，几fresh 可以清一清味蕾三款寿司(帆立贝加青柠汁，爱侣鱼配柚子皮，烟熏𫚕鱼)都唔错。最后食咗海胆杯，海胆好鲜甜好好味，超级满足！总括嚟讲，重房嘅菜式味道唔错，有啲创意嘅组合。如果你钟意试下特别嘅日本菜，可以考虑去试下佢哋啦。