影片
更多
2024-04-23
34 浏览
无得去旅行住就唯有食下omakase啦～今晚又约埋好姊妹一齐去食, 拣左位于铜锣湾嘅昼月! 餐厅最近推出左新omakase menu, 人均$688就有20品, 所以就嚟试下啦! 原来餐厅仲做紧个任饮清酒放题, 女士只需$99就可以畅饮个半钟, 真系岩哂收工happy hour!✨️前菜三味前菜分别系西京渍面豉蛋黄、红酒蕃茄同埋𩽾𩾌鱼肝, 由淡味食到浓味, 先食左个红酒蕃茄, 车车就最中意食e d酸酸甜甜嘅野, 特别系蕃茄! 入口清新开胃带淡淡嘅酒香, 下一道就系𩽾𩾌鱼肝, 入口软滑, 而最浓味嘅就系E个西京渍面豉蛋黄, 渍左嘅蛋黄口感会有种黏黏地嘅感觉, 食落好重蛋香带点面豉甘香, 食落几特别✨️茶碗蒸E款茶碗蒸够哂特别, 事关佢用左墨鱼汁, 所以系黑色的, 鸡蛋口感好滑溜, 入面仲有好多配料, 味道不错＜刺身五点＞✨️岩手县仙气町生蚝生蚝肉身肥美, 带浓郁海水味, 上面放左辣萝卜、柚子啫喱同埋食用花, 食落几清新, 富有层次感✨️𫚕鱼𫚕鱼包住左紫菜, 一件一口, 口感丰富✨️熟成间八鱼入口几肥美香醇✨️活赤贝食落爽脆鲜甜几新鲜✨️烟熏鲣鱼一打开个盖烟就开始涌出嚟, 打卡一流! 食落除左好香烟熏味
✨️前菜三味
前菜分别系西京渍面豉蛋黄、红酒蕃茄同埋𩽾𩾌鱼肝, 由淡味食到浓味, 先食左个红酒蕃茄, 车车就最中意食e d酸酸甜甜嘅野, 特别系蕃茄! 入口清新开胃带淡淡嘅酒香, 下一道就系𩽾𩾌鱼肝, 入口软滑, 而最浓味嘅就系E个西京渍面豉蛋黄, 渍左嘅蛋黄口感会有种黏黏地嘅感觉, 食落好重蛋香带点面豉甘香, 食落几特别
✨️茶碗蒸
E款茶碗蒸够哂特别, 事关佢用左墨鱼汁, 所以系黑色的, 鸡蛋口感好滑溜, 入面仲有好多配料, 味道不错
＜刺身五点＞
✨️岩手县仙气町生蚝
生蚝肉身肥美, 带浓郁海水味, 上面放左辣萝卜、柚子啫喱同埋食用花, 食落几清新, 富有层次感
✨️𫚕鱼
𫚕鱼包住左紫菜, 一件一口, 口感丰富
✨️熟成间八鱼
入口几肥美香醇
✨️活赤贝
食落爽脆鲜甜几新鲜
✨️烟熏鲣鱼
一打开个盖烟就开始涌出嚟, 打卡一流! 食落除左好香烟熏味仲有好浓郁嘅鱼味
＜寿司七贯＞
✨️赤舌平目
左口鱼甘香肥美几好食
✨️金目鲷
寿司上面放左炸鱼鳞, 所以食落口会脆卜卜, 鱼肉爽身鲜甜, 口感相当丰富
✨️深海池鱼
质感纤细柔软, 口感顺滑鲜甜
✨️釜山湾白虾
食落口感黏糯, 可以食到虾嘅鲜甜味同时味道又唔太单调
✨️北海道赤牡丹虾
赤牡丹虾口感爽脆弹牙, 上面放左用虾头虾膏制作嘅酱汁, 所以食落味道比较浓郁
✨️吞拿鱼面颊
E个属于刁钻又矜贵嘅部位, 充满弹性, 口感软滑筋少而且脂肪多, 鱼味极浓
✨️北海道马粪海胆
海胆甘甜鲜味, 入口即化
✨️大拖罗紫苏叶盐渍
又嚟到车车最中意嘅大拖罗时间, 师傅用紫菜包住大大件大拖罗鱼肉, 食落油香满满大满足
✨️鸡皮虾
食完寿司之后仲有一款热食, 就系鸡皮虾啦!
鸡皮虾外皮烧到好香脆, 包住虾同紫苏叶, 食落去热辣辣, 口感爽阵好juicy, d油爆哂出嚟好惹味!
✨️味噌汤
✨️忌廉沙冰奶冻
E款甜品分别有两层, 面层系忌廉味嘅沙冰, 而中间系牛奶奶冻, 建议可以先分开试左先再一啖塞入口, 味道就好似饮紧忌廉沟鲜奶咁, 车车都系第一次食e个甜品, 味道几清新, 好岩e个天气食!
张贴
