火山燒 (已結業)

呢日放工後同男朋友到銅鑼灣搵食，搵搵吓就係銅鑼灣廣場附近搵到呢間火山燒，見佢係日式燒肉放題，價錢合理就試吓啦。一上到去比大大幅壁畫吸引住, 以為置身係日本居酒屋。冇幾耐就安排左我地入座最埋邊既大枱，之後有同人搭枱既。店家係用gas 爐既。Menu 非常之豐富，由刺身、前菜、海鮮、宮崎牛、鹿兒島豚肉、土佐雞、連火鍋都有得食，一個價錢就滿足既幾個胃。刺身質素唔錯，至少新鮮唔會有腥味。 有D肉係會串起尼燒，有D就成塊燒既。店家仲貼心送上燒肉汁同蜜糖比我地邊燒邊搽。海鮮都好高質。soft drink 包埋，不過就係寫紙既。酒類飲品就另外收費。最後仲有雪糕雪條。埋單每人306，其實超抵食。