影片
更多
2022-06-16
1332 浏览
追求新鲜感所以会定期发掘新餐厅，今日揾到间餐厅 𝔾𝕒𝕤𝕥𝕣𝕠𝕓𝕠𝕩 系铜锣湾市中心地段恒隆中心对面几就脚，地点喺一座商业大厦嘅一楼全层。见装修不错晚市索价不算高，所以一于去试下。.餐厅灯光几幽暗，加埋柔和吊灯几浪漫。食客不算多几宁静，几适合朋友聚会。晚市主要系供应套餐，主要系一人或二人餐，一人餐基本包括餐汤、主食同餐饮，加少少钱就有埋甜品。.🍲餐汤是日餐汤系忌廉薯仔汤，薯仔汤真系食到一粒粒薯仔比较杰身、有口感。跟餐汤仲有一客香草多士，烘烤香脆。.🦐香煎珍宝虎虾配黑松露菌意大利饭 💲218黑松露菌意大利饭配一只珍宝版本虎虾，大大只肉质爽脆，而黑松露菌意大利饭味道几浓郁，忌廉感几重。.🐔烤春鸡配蜜糖芥末籽酱 💲238其实知道餐厅主打项目去系牛扒，但想试牛扒就要叫二人餐。系一人套餐牌上见到烧春鸡，鸡控又忍唔住想试吓。烧春鸡开左边系完整一只，呢份主菜分量比较大，个人认为比较适合同朋友一齐分享。餐牌写配蜜糖酱不过今次提供咗烧汁，烤鸡加少少汁酱会更加惹味。主菜仲有薯菜衬底，食哂真系饱到上心口。.🍮焦糖炖蛋 +💲25套餐加多25蚊就可以试埋甜品，是日甜品系 法式经典焦糖炖蛋。虽然话系加配品，但都唔系
.
餐厅灯光几幽暗，加埋柔和吊灯几浪漫。食客不算多几宁静，几适合朋友聚会。晚市主要系供应套餐，主要系一人或二人餐，一人餐基本包括餐汤、主食同餐饮，加少少钱就有埋甜品。
.
🍲餐汤
是日餐汤系忌廉薯仔汤，薯仔汤真系食到一粒粒薯仔比较杰身、有口感。跟餐汤仲有一客香草多士，烘烤香脆。
.
🦐香煎珍宝虎虾配黑松露菌意大利饭 💲218
黑松露菌意大利饭配一只珍宝版本虎虾，大大只肉质爽脆，而黑松露菌意大利饭味道几浓郁，忌廉感几重。
.
🐔烤春鸡配蜜糖芥末籽酱 💲238
其实知道餐厅主打项目去系牛扒，但想试牛扒就要叫二人餐。系一人套餐牌上见到烧春鸡，鸡控又忍唔住想试吓。烧春鸡开左边系完整一只，呢份主菜分量比较大，个人认为比较适合同朋友一齐分享。餐牌写配蜜糖酱不过今次提供咗烧汁，烤鸡加少少汁酱会更加惹味。主菜仲有薯菜衬底，食哂真系饱到上心口。
.
🍮焦糖炖蛋 +💲25
套餐加多25蚊就可以试埋甜品，是日甜品系 法式经典焦糖炖蛋。虽然话系加配品，但都唔系迷你版本嘅甜品，脆脆嘅焦糖面，份量大抵食，炖蛋食落仲有少少半雪糕嘅口感。
.
🫖餐饮：冻柠茶
.
总结：几优雅嘅一间西餐厅，旺中带静，地方几阔落。朋友间聚会不错。
.
不专业食评 nei.foodie
张贴
