影片
更多
2020-11-13
442 浏览
朋友最近新屋入伙，就同佢好好咁食返餐，决定好好咁食餐Omakase，当俾多少少钱，喺疫情期间体验下当自己去咗日本食餐饭。呢间餐厅位置喺铜锣湾大街嘅楼上铺，用餐嘅位置就正正对着希慎广场，勉强地都可以俯瞰铜锣湾大街嘅夜景。店入边嘅装修算系简约嘅日式风，只系放咗一啲简单嘅摆设，类似一般嘅居酒屋格局咁。餐厅座位嘅布局都算分为两部份，一边系传统式Omakase坐喺师傅面前嘅吧枱，令一边就系自成一各嘅order枱，总共加埋约20个座位左右。我哋都分别叫咗佢哋嘅「金」套餐($1380)，当中有几款菜式都值得一提。首先先上前菜，第一碟既头盘由三小碟冷盘组成，主要食材系蟹同虾，其中既蟹肉果冻几特别，系以蟹肉制成既一个果冻方块，有浓浓既蟹味又有种爽快开胃既感觉，而且几款前菜都十分新鲜。紧接既前菜组合系冰菜配蕃茄，加上新鲜腐皮。可以食到平时既餐单中唔易见既冰菜相当清爽，而蕃茄非常鲜甜，连皮食完全无食到渣既感觉；鲜腐皮则望落好嫩滑，放入口既时候充满住浓浓既豆味，个人觉得唔需要落任何既调味料已经好正，喺嘴入面食出种种原味。之后到刺身方面，呢碟以象拔蚌，䲠鱼，鲷鱼的刺生组合非常鲜味，而每款都为食客但系你唔同嘅口感
朋友最近新屋入伙，就同佢好好咁食返餐，决定好好咁食餐Omakase，当俾多少少钱，喺疫情期间体验下当自己去咗日本食餐饭。
呢间餐厅位置喺铜锣湾大街嘅楼上铺，用餐嘅位置就正正对着希慎广场，勉强地都可以俯瞰铜锣湾大街嘅夜景。店入边嘅装修算系简约嘅日式风，只系放咗一啲简单嘅摆设，类似一般嘅居酒屋格局咁。
餐厅座位嘅布局都算分为两部份，一边系传统式Omakase坐喺师傅面前嘅吧枱，令一边就系自成一各嘅order枱，总共加埋约20个座位左右。
我哋都分别叫咗佢哋嘅「金」套餐($1380)，当中有几款菜式都值得一提。首先先上前菜，第一碟既头盘由三小碟冷盘组成，主要食材系蟹同虾，其中既蟹肉果冻几特别，系以蟹肉制成既一个果冻方块，有浓浓既蟹味又有种爽快开胃既感觉，而且几款前菜都十分新鲜。
紧接既前菜组合系冰菜配蕃茄，加上新鲜腐皮。可以食到平时既餐单中唔易见既冰菜相当清爽，而蕃茄非常鲜甜，连皮食完全无食到渣既感觉；鲜腐皮则望落好嫩滑，放入口既时候充满住浓浓既豆味，个人觉得唔需要落任何既调味料已经好正，喺嘴入面食出种种原味。
之后到刺身方面，呢碟以象拔蚌，䲠鱼，鲷鱼的刺生组合非常鲜味，而每款都为食客但系你唔同嘅口感，首先象拔蚌就系有比较硬同埋识落会爽嘅感觉，中间嘅䲠鱼嘅肉质就比较份粉，鲷鱼则比较烟韧系平时食开既刺生质感。整体都整得唔错，唔会有特别腥味。
之后开始出熟食嘅料理，呢味炙烧拖罗好惹味，拖罗既油脂岩岩好，夹住仲脆既紫菜食，脆既紫菜外皮加埋暖暖地又充满油脂嘅拖罗片，绝对系一种享受。
之于炸物方面都值得一赞，尤其系炸角切蕃薯，上碟时以为系平平无奇时蕃薯，但食落口先发觉佢既精髓系块蕃薯片，炸得非常松脆，而蕃薯本身都靓，带有鲜甜又有光泽。
去到最后既甜品部分依然充满惊喜，首先系一碟自家制既cheese cake，入口芝士味够浓郁，饼底算做得几好，伴著时令水果，系够哂水份同甜度既哈密瓜同苹果，岩岩好中和番cheese cake既浓味。
除此之外，仲有样甜品系柚子味雪葩，同样出色，雪葩入口即溶，唔会系平时食到既死甜，唔会令你觉得十分甜，反而系柚子味会填满你既口腔，喺你食完十几道菜式后依然令你既胃醒神。
经过十几轮既上菜，我地慢慢食都差唔多食左2小时左右，原本头几碟既时候觉得份量唔太足够，但食到尾段都好彩算有饱足感。唯独美中不足既系我地事前无提早几日book，只能坐order枱，相信如果能够坐师传吧枱会令成餐饭既体验更加升华。
张贴
