CHIMPZ (已結業)

喺铜锣湾行街街个阵，突然落大雨，就去咗呢间Chimpz日式西餐厅到食晚餐加避避雨先~装修以日式为主，以猩猩公仔做标致，配田园风嘅装饰，令人好舒服。店员见我地多嘢拎仲比收纳篮我哋放嘢，服务体贴~先叫2 个小食， 日本海胆流心忌廉饼，见上网推介所以都跟风，一切开忌廉饼，流心海胆涌出嚟，口感外脆内软，海胆味香浓，的确唔错！另一款就系我好钟意食嘅水牛城鸡翼，钟意佢够香脆而酸酸辣辣咁，好开胃！主菜我地叫咗意大利黑松露牛肝菌意粉，黑松露味好香浓， 仲带有蒜香味估唔到黑松露同蒜味咁夹 ，creamy得嚟唔油腻，意粉软硬适中，挂汁力强！另一个就系打卡必食嘅 日本甲罗烧蟹膏味噌回意大利饭， 平时好白好惊甲罗烧蟹膏腥味好重，呢个完全唔会，仲好鲜，意大利饭软硬刚好， 配洋葱、萝卜、黄红椒等，口感同味道都好丰富！甜品就叫咗法式焦糖炖蛋，整体唔太甜！上层香脆嘅焦糖配下面软身嘅炖蛋，口感丰富而香滑而日本麻薯窝夫饼焦糖酱配雪糕， 窝夫饼外层较硬，同平时食嘅日式窝夫饼雪糕一样，不过不失，较饱肚！餐厅虽细间，但食物质素高，睇得出食物制作好用心，而且服务态度体贴良好，好值得叫埋朋友再去聚聚！