富軒

营业中

休息中

点心极之麻麻，胜在喺铜锣湾地段中够平，全部皆为长辈们常客。闲日早市10点几黎到，非常热闹，仲要等位添，以为应该都唔错，点知大失所望店员问要唔要搭枱，唔使等位，我见冇咩所谓就OK咗，点知一张枱搭三枱客，够晒悭地方🫨仲要角落头位冇冷气，谂住换地方食架啦，一行出去店员就换咗张枱俾我哋😅😅um⋯⋯至于嘢食质素，可以话系普通之中嘅唔好食。肠粉皮太厚，烧卖里面好多都系肥猪肉同面粉，虾饺亦都唔太新鲜。鸡扎入面只有三款𩠌：猪皮、鸡肉同蟹柳，完全系另一回事。楼面们的侍应态度都几差下，可能太繁忙啦，但唔明呢个质素点解仲咁多长老们食🫣应该系因为够晒平挂，买单每人都唔过百。