Lúa (已結業)

每次经过铜锣湾东角都会留意到有个餐厅露台挂满越式灯笼，今次终于有机会去食啦！餐厅有户外餐枱，又分了多区，岩晒唔同人数的客人去安排，非常贴心！ 天气冻冻地，大佬嗌左「冬日限定❄️」的深海泥鯭酸辣汤煲，大大条泥鯭🐟，肉质厚实嫩滑，一D都唔腥。配菜亦相当多，仲要有「越南菠菜/木耳菜」之称的潺菜🥬。不过辣度🌶️介乎小辣至中辣，怕辣的就要注意。✨冬日必点，好暖胃！ ⦁ 猪肉BB虾炒碎米饭用上猪肉松、虾毛🦐来炒饭，炒得非常干身，粒粒分明！值得一赞伴碟的春卷同甘蔗猪串，春卷香脆，而甘蔗猪肉串咸甜适宜。 ⦁ 潘切直送小墨鱼春捞檬由越南潘切市直送的小墨鱼🦑，粒粒都好大只，好新鲜。⚠️唯一要改善的是酱汁可以多番少少。 ⦁ 金枕头榴梿芭菲配荔枝雪糕尼杯甜品🍧每层都有惊喜，首先最高有块酥脆的蝴蝶酥🥨、劲浓味的荔枝雪糕🍦、咸咸地的玉米片，咸甜的味道超级夹。第二层用上自家制的荔枝班兰蒟蒻，淡淡的班兰味带有荔枝香味，非常特别。第三层亦系我同大佬最喜欢的一层😍😍用上泰国榴莲肉去整成的榴梿芭菲🍨配埋香浓细滑的榴梿忌廉，有冰冻的感觉，仲保留啖啖榴梿肉的质感。最底一层就系寒天晶球，口感不错！