小甜谷 Dessert Kaffee (已結業)

食得中式糖水多，闷闷地。今次食饱饭就试下西式甜品先。讲起小甜谷，大部份人都知道系谷祖琳开既甜品店。听到"小甜谷"呢个名我已经觉得好有创意好吸引。店铺位置好易揾，系铜锣湾地铁站C出口。1打开menu，好多靓靓既甜品吸引住我，真系花多眼乱心思思唔知拣咩好呀，最后拣左两样：1) 法式梳乎蛋多士配雪糕2) 朱古力心太软法式梳乎蛋多士，一碟有三大件，够晒份量。隔离仲有一球云呢拿雪糕和糖酱。带1旧试下原味唔点酱先！多士咬落外脆内软，浓郁蛋香，既似布甸咁香滑又似炖蛋咁嫩滑，好味到有惊喜又幸福既感觉。跟住试试点埋糖酱，系有d似鸟结糖既味道，好甜好特别，我就中意点左糖酱后既味道。而云呢拿雪糕就冇咩特别，都系普通雪糕咁，不过夹埋多士1齐放落口都几得意架！朱古力心太软，由于本人极喜欢朱古力，所以有朱古力心太软就紧系唔会放过啦。可能有上面讲既法式梳乎蛋多士做对比，呢道甜品就比下去了。虽然都几靓，但食落唔够香唔够甜。软心效果做得唔错，真系有野流出黎，不过就系淡淡既牛奶朱古力色，而唔系平时食开既dark chocolate色，唔够浓郁。