影片
更多
2020-11-12
3806 浏览
呢一年，大家都無得去旅行，一定好掛住日本🇯🇵既美食吧🥺 所以就介紹一間日式燒肉Nikushou俾大家去止住渴先！Nikushou位於耀華街一幢食廈裡面既高層，景觀開揚，銅鑼灣既景色盡收眼底。今日book左位，侍應按排左一間寬敞既包廂俾我地，坐得非常舒服！店入面既裝修簡約乾淨，用上淺木色既木，而且抽風非常良好 ，就算食完都唔會一陣燒肉味，完全無烤肉店既味道！筷子🥢座係一隻木製既牛仔，係日本工匠人手製造，好精緻！.今次係我第二次黎呢間餐廳，上次因為Team Lunch唔好意思問侍應太多問題，搞到食評只係靠記憶寫到一半，所以今次又有機會黎食，我就不斷問問問🤭(多謝老闆)🤣，亦感謝店員既耐心同專業回答😬💕.先用毛巾抺一抹手，熱毛巾上有微微既清新薑味！點餐前，先送上三色調味料：海鹽、新鮮即磨山葵、燒肉醬油及鮮檸檬汁；同時預熱燒肉既烤爐。飲一啖茶🍵先，聞落有雲尼拿同奶油既香味(職業病🤣).今日我地叫左一客吉列飛驒牛柳三文治，同埋＄688一位既「特選和牛七品合盛」，而且想豐富啲，所以另加HK$288配上前菜同甜品。「特選和牛七品合盛」無指定牛款, 所以頭六款肉係當天推薦既部位, 下來再黎食，就未必食
.
今次係我第二次黎呢間餐廳，上次因為Team Lunch唔好意思問侍應太多問題，搞到食評只係靠記憶寫到一半，所以今次又有機會黎食，我就不斷問問問🤭(多謝老闆)🤣，亦感謝店員既耐心同專業回答😬💕
.
先用毛巾抺一抹手，熱毛巾上有微微既清新薑味！點餐前，先送上三色調味料：海鹽、新鮮即磨山葵、燒肉醬油及鮮檸檬汁；同時預熱燒肉既烤爐。飲一啖茶🍵先，聞落有雲尼拿同奶油既香味(職業病🤣)
.
今日我地叫左一客吉列飛驒牛柳三文治，同埋＄688一位既「特選和牛七品合盛」，而且想豐富啲，所以另加HK$288配上前菜同甜品。「特選和牛七品合盛」無指定牛款, 所以頭六款肉係當天推薦既部位, 下來再黎食，就未必食同一款肉。而第七款肉「招牌醬燒西冷」就係必有款！今日頭五款肉都係飛驒牛！被稱作飛驒牛，等級一定係A4以上！
.
我地今日食左七款牛肉，分別是澳洲和牛舌、上筋、辣椒肉、飛驒牛座布團、肋間肉、鞍下、招牌熊本西冷! 呢度有專人幫你燒肉，係日式燒肉店高規格既服務。不論火喉定服務態度都做得好! 品嚐次序由味淡到香濃，由赤肉到油花滿佈，可食出當中之分別，同其他烤肉店唔同，呢度唔係每款牛肉都需要點烤肉醬汁，最初幾款係希望客人可以食到牛肉本身既肉味，只需要沾少許山葵同鹽！(p.s. 我習慣食每一樣食物，都先食佢既原味道，再選擇配搭其他醬汁)
.
📌沙律
沙律菜上面有小小塩同胡椒，再加上少少醋，
食個沙律，為之後落嚟既豐富大餐打個底先🤭
仲有碟涼菜tim
.
📌 吉列飛驒牛柳三文治 $418 一客四件
首先一試既係吉列飛驒牛柳三文治，一份四件，厚切飛驒牛柳係成隻牛入面最高級最嫩既部位，脂香豐腴，肉質軟滑，以吉列既處理手法，做出外脆內軟既口感！夾在黎自人氣麵包店Bakehouse提供既鬆軟麵包中間，烘過既麵包好香牛油味，加上自家製和牛三文治醬，配合得天依無縫！
.
見到侍應哥哥先係烤爐上塗上和牛油脂，
然後先開始燒
.
📌澳洲和牛舌 (中)
由於日本肉臟同日本牛舌唔可以出口，所以今日第一道菜係澳洲和牛牛舌，牛舌中間既部分，牛舌有一公分厚，係今日唯一一款厚切食既種類！為左易於烤熟，餐廳有預先𠝹開點，烤到外面剛熟，金黃色，口感微脆，而中心仲保留住嫩粉紅色，柔軟好食！味道唔算好重，但口感爽脆，輕輕點少少檸檬汁+ 海鹽！😋👍🏾
.
📌上筋(相片左側)
前腿，係運動量相對比較多既部分，所以肌肉發達、而且肌間筋多，油份不高，主要係食牛既肉味。沾少少wasabi同鹽食，濃香！
.
📌辣椒肉 (相片右側)
前腿 ，牛身前既部位，位於「板腱」旁邊，形狀如辣椒既肉，屬於稀有部分既牛肉。幾乎無咩脂肪分佈，肌理纖細柔軟既瘦肉，口感嫩滑。待應教我地沾哂所有wasabi同少少鹽一口食！正🤤🤤🤤
.
📌 飛驒牛座布團(正方形)
即是肩胛肉，頸同肋骨之間，全牛不超過8kg ，屬稀少部分！有「座布團」呢個名係因為呢個部位既形狀睇落似一塊日式座墊。「座布團」係霜降分明既部位，而且有獨特既香味同口感! 比起前兩塊肉厚切少少，油脂極重，肉質柔軟! 重肉味！而且因為本身調左味，所以唔需要再另外調味！
.
📌肋間肉 (長方形)
牛肉既肉質嫩，但因為筋多，需要師傅逐塊處理斷筋，所以先食到咁淋既肋間肉😍
同樣地因為本身調左味，所以唔需要再另外調味！
.
📌飛驒牛肩頸(鞍下) (三角形)
鞍下即係肩部裏脊肉(運動量很大的部分)
有好靚既雪花紋，肉質細緻。可以唔調味/ 加少少燒汁食! 油脂分布平均，食落去唔會成口油！
.
📌招牌醬燒A5熊本和牛西冷
來自熊本既和牛，表面佈滿細密既雪花脂肪，極速係爐上面辣幾下, 香嫩既西冷，油花滿溢，配上日本長崎縣無菌慢煮蛋黃漿中，濃郁既蛋香中和A5和牛西冷既油膩感，口腔充滿牛脂既香氣，配一啖北海道夢美人米飯😫完美😍👍🏾
.
📌招牌飛驒牛筋麻辣咖喱飯 $148
一般日本咖喱只有甜，但呢度嘅咖喱係有香，配合麻辣！第一次發現原來咖喱飯同特製嘅辣椒油可以甘夾！辣椒油係一定！一定！一定！要加落去！重要既嘢要講三次😍 好惹味好食！牛肉都煮到好淋身！
.
📌雪糕
自家製牛奶雪糕，配上紅豆同抹茶洋羹！
正常發揮！
.
整體黎講，Nikushou 被 OAD 評選為「2019 亞洲百大餐廳」（Top 100+ Asian Restaurants 2019）、Hong Kong Tatler「Best Restaurants 2019」，食物和服務質素都備受肯定。環境氣氛同服務都好好! 個人認為Nikushou既肉質量係上佳，店員燒肉既手勢一流。不過店員唔會太熱情介紹佢地既肉, 如果想更加了解自己食緊咩, 最好主動問問店員, 先可以深入了解自己食緊既美食！
.
P.S. 好欣賞佢地每燒兩款肉就換一次鐵板，
對美食既講究，對餐具既挑選：茶杯，筷子座等等，真係唔係間間餐廳做到！
.
张贴
