影片
更多
2019-09-08
1568 浏览
#悠蔬食 (铜锣湾)铜锣湾渣甸街50号渣甸中心25楼-----日日大鱼大肉咁食 真系唔系办法😂所以今次约朋友食饭 就一改平时饮食风格 试下No肉 No海鲜 食下素 清下肠胃😆-#台式脆肠天贝猴菇炆淮山栗子煲配珍珠糙米饭（$248）：无错呢个饭个名真系水蛇春咁长 材料大部分都系菇类 连台式脆肠都系以菇制成 调味有少少似台式三杯鸡 汁底足够浓稠 但唔会太咸 几好食 另外呢个价钱仲有包左三款前菜 一款手卷 同一份甜品 前菜分别有凉拌日本黑豆黑塔子黑木耳 红火龙果藜麦沙律伴无花果黑醋 同泰式香茅金柚鲜果沙律 三种前菜都各有千秋 全部都系行酸酸甜甜路线 食完之后感觉好开胃 可以有更大胃口食更多野😄三款当中 个人最爱红火龙果藜麦沙律伴无花果黑醋 中意佢红肉火龙果拣选得靓 非常甜而且黑醋唔会太酸 味道调得好自然 令人食得好舒服 所以额外叫多碟三人份量嘅黎食 手卷方面就拣左香芒牛油果手卷 入口幼滑 配搭清新 最后甜品系抹茶马蹄糕 口感爽脆 马蹄份量多 带埋浓浓抹茶味 解腻得黎又唔会太甜 唔错-#百合杞子豆乳浸温室皇帝苗（$108） 碗面满布百合 超足料 杞子令温室皇帝苗味道更显鲜甜 整体养生得黎 味道
铜锣湾渣甸街50号渣甸中心25楼
-----
日日大鱼大肉咁食 真系唔系办法😂所以今次约朋友食饭 就一改平时饮食风格 试下No肉 No海鲜 食下素 清下肠胃😆
-
#台式脆肠天贝猴菇炆淮山栗子煲配珍珠糙米饭（$248）：无错呢个饭个名真系水蛇春咁长 材料大部分都系菇类 连台式脆肠都系以菇制成 调味有少少似台式三杯鸡 汁底足够浓稠 但唔会太咸 几好食 另外呢个价钱仲有包左三款前菜 一款手卷 同一份甜品 前菜分别有凉拌日本黑豆黑塔子黑木耳 红火龙果藜麦沙律伴无花果黑醋 同泰式香茅金柚鲜果沙律 三种前菜都各有千秋 全部都系行酸酸甜甜路线 食完之后感觉好开胃 可以有更大胃口食更多野😄三款当中 个人最爱红火龙果藜麦沙律伴无花果黑醋 中意佢红肉火龙果拣选得靓 非常甜而且黑醋唔会太酸 味道调得好自然 令人食得好舒服 所以额外叫多碟三人份量嘅黎食 手卷方面就拣左香芒牛油果手卷 入口幼滑 配搭清新 最后甜品系抹茶马蹄糕 口感爽脆 马蹄份量多 带埋浓浓抹茶味 解腻得黎又唔会太甜 唔错
-
#百合杞子豆乳浸温室皇帝苗（$108） 碗面满布百合 超足料 杞子令温室皇帝苗味道更显鲜甜 整体养生得黎 味道唔会太寡 😊
-
#酥脆腐皮卷4件（$58）虽然热气 但热爱腐皮嘅B仔都系忍唔住叫左😛腐皮卷炸到正如佢个名咁 超级酥脆 点埋泰式辣酱食 感觉极似素版脆香鸡翼
-
#鲜磨腰果露配汤圆（$48）汤丸一共有四粒 系芝麻汤圆黎 细细粒 外皮烟韧 如果无认错 应该系B仔中意嘅小宁波牌～腰果露则幼滑得惊人 入口一D渣都无 非常顺候 甜度极低 腰果味重 非常出色😊
-----
👶🏻B仔整体评价：7.9/10个👍🏻
👶🏻B仔抵食程度：7.5/10个👍🏻
👶🏻B仔环境评分：7.5//10个👍🏻
👶🏻B仔味道评分：8.5/10个👍🏻
👶🏻B仔回头机会：8/10个👍🏻
-----
#swallowhongkong
☺️快D跟住B仔一齐吞食香港啦！🤤
#swallowcwb
张贴
