魂 (已搬遷) 新店位置

前排去完日本已经好挂住个边既拉面，日想夜想，揾左好耐最后决定黎试一试呢间都算几出名既魂。黎到好好彩唔洗排队。餐厅入面唔算大，坐位唔太多，但装饰设计已经令我更挂住上次既日本之旅。总共有四款拉面。自己点左青龙，朋友就点左太极。面质点左"硬"，而酱油拣"中"。青龙拉面。汤底绿色，系秘制菠菜汁配豚肉汤，一黎到已经闻到淡淡既菠菜香。汤底浓郁但又唔会好漏，而且加左菠菜汁感觉好似健康点。叉烧无太干身都几嫩滑，唔会太肥。蟹柳出奇地好味，肉厚而且有小小蟹香。玉子（溏心蛋）都系水准之上，食完想再追加多旧。面质选左硬，所以唔会稔而且几弹牙。另一碗系朋友点既太极。汤底系墨鱼汁配豚肉汤。墨鱼汁闻落无好香，但饮左一啖就觉得好有墨鱼香味。重点系叉烧上味放左蟹膏，令成碗拉面更新鲜而且带点蟹膏香。另外追加左木耳，十分爽口。由于呢只溏心蛋令我有食完再想食既冲动，但又唔想俾钱追加，毫不犹豫咁食埋朋友个只。整体黎讲两碗拉面汤底出色，面质配料都有水准。可惜系老板话拉面店将会搬黎铜锣湾到九龙区。估计系铜锣湾区租金太贵，小店难以经营。不过搬铺后一定会继续支持。