上村牧場 (已結業)

Book咗5:30食烧放题，睇完戏行过嚟啱啱好，留意返六点前入座可享有早鸟价格，点咗中价嘅澳洲和牛烧肉套餐，限时100分钟，70分钟last order，饮品自取，最好自己set定计时，以免超过截单时间，呢度以回转形式送餐，餐单有几款澳洲和牛供应，最好食系牛五花，油脂平均，当然口感不能媲美日本和牛，而里肌肉及和牛寿喜烧，因脂肪比例少，口感较嚡，🐔中翼都几大只，但炉头细，即使火力够都唔够位摆放太多，海鲜类有帆立贝、鱿鱼、大🦐。呢度嘅食物种类算多，有较少见嘅烟肉芦笋，青嫩爽脆，由于下单系统每次只可选六款，想再加单时刚截单，跟店员沟通后即时帮忙人手下单，态度亲切有礼。