Mr. K Pizza N Chicken (已結業)

登龙街又多左间食pizza食炸鸡既餐厅！新店，唔系唔试呀嘛！座位阔落，仲要好多卡位。店员细心介绍芝加哥pizza、手工pizza同韩式炸鸡！ - 手工薄饼🍕 -款式都多而特别，包括泡菜烤肉、芝士通心、松露诱惑等，我地拣左同样特别既韩式牛仔。用左干番茄、韩式烤牛肉、火腿、蘑菇，彩椒等制作而成。烧烤酱+番茄酱+芝士，味道甜甜地，配烤牛肉口感烟韧，异常地夹！仲有饼底手工做既关系，比起出面既薄饼相对烟韧有口感。（双拼固定金额 $178） - 韩式炸鸡🍗 -我地拣左半份蜜糖芥末，炸鸡款式同平时既差唔多，但食落口完全唔同。尼间外皮酥脆唔油，肉质非常嫩滑，蜜糖芥末唔会死甜，仲带有芥末香味。店员话厨师专门去跟韩国师傅学，手法跟足韩国。 嗌左两样，就饱到上心口，一定要call齐人马黎食，先可以试埋其他小食同意粉。