龍城冰室

营业中

休息中

今朝瞓醒11点几都唔知食咩好，醒起龙城啲早餐去到11:30嘅，于是就即刻打电话去嗌外卖，叫咗个沙嗲牛肉公仔面配芝士火腿牛角酥加埋个炒蛋同埋肠仔！我多数都会先食芝士火腿牛角酥先嘅，外卖拎到返嚟呢都仲系热辣辣㗎，趁佢热嘅时候食得比较脆口，芝士火腿少少溶溶地嘅感觉，食落去系超香超好味！沙嗲牛肉公仔面个酱汁超浓郁㗎！我自己就钟意食捞面多啲，个外卖系会分汤，我多数就唔会浸晒个公仔面落个汤度，捞埋啲沙嗲汁食劲香！炒蛋都炒得好滑溜㗎，但条肠仔呢就好似缩左水，以前系一条而家得返半条配埋杯冻奶茶，佢冻奶茶奶味都好浓嘅，啱晒我饮！