美心MX (已結業)

自从元朗两间美心快餐都无晒，已经好耐无食过美心了(一间由大铺迁出后间左好多细铺，另一间「upgrade」左做美心香港地，然后而家又无埋)，所以今日，突然之间好想食番。就算系铜锣湾，系呢间食一个叉烧饭都只系$39，唔贵啰。美心MX 就是比较亲民一d，起码compare with 佢自己同家品牌美心香港地。叉烧肥瘦适中，超5 中意食实ding ding d 肉d 纤维出晒黎好硬果d。个饭本身有甜豉油既，好易入口。个饭无跟餐饮的，我问左收银阿姐加汽水几钱(因为我见水牌无写)，话加$6，唔知系咪单点都系$6。不过佢有个推介，加$9 可配冰桶原味奶茶，咁我宁愿要呢个好过。其实即系唔系将d 冰摆落杯野饮果d gimmick 啰，佢本身杯奶茶系密封好似出去饮台式饮品咁，摆落雪柜度系已经系冻既，然后再用个冰桶伴住serve 你。味道好普通，我expect 因为无溶雪问题杯野饮应该会比较浓，而家反而有d 淡。