The Sky Bar (已結業)

年尾系不停约朋友仔聚下的季节，今次同朋友一行4人到铜锣湾Sky Bar享受海鲜西餐。见到Openrice有好多人都食呢个超抵食的Special Menu，每个餐都会包餐汤、12件的生蚝/生和牛/海胆为前菜，再可以6选1的主菜，再加甜品及饮品(可选红酒/白酒)。4份餐中，我们拣左1份即开生蚝，肉唔算太厚，新鲜度尚可，肉都几甜。呢个日本和牛刺身又几有惊喜㖞！需然有少少雪味，不过个厚薄同口感又唔错。至于海胆青瓜新鲜度一半半，不过味道就几鲜甜。另外，餐厅会比埋小紫菜比大家包住黎食，好甜心。到主菜系我叫的黑松露饭配香煎鳕鱼。意大利饭够香够creamy，鳕鱼煎得香口，不过有DD干。猪手系我有少少失望的，外皮唔够脆同唔够干身。不过肉就整得够入味同淋身。朋友仔想试试烤龙虾蟹肉蕃茄阔面，所以都叫左一份share。面质煮到刚刚好，仲吸食左D汁的精华。有半边龙虾肉，加上拌面的蟹肉，令到成碟面都好鲜。安格斯西冷扒煎得都几香，牛味都几重，仲几嫩tim！今日的甜品系黑森林蛋糕，蛋糕唔算好甜，不过蛋糕唔多够Moist，不过整体唔算差。以铜锣湾每人$298+10%食到生蚝、和牛刺身、海胆，再加上不错的主菜都算几抵食。