Pepper Lunch Express (希慎廣場)

营业中

休息中

寻日放学同学仔话想去铜锣湾行下。顺便就喺铜锣湾果边食埋晏昼啦。其实喺铜锣湾想食平啲真系冇可能咁济，最多就系落希慎food court。我哋就嚟咗呢间Pepper Lunch Express。一黎佢有学生价，够平。二黎我食过，觉得几好食。我就叫返不嬲食开嘅黑椒牛肉饭，可乐。唔错嘅，个铁板系好够热，本来个牛肉系未熟晒，放多震就熟晒啦。再倒啲酱汁落去更加会有同铁板扒一样嘅『喳喳』声。唯一嘅缺点应该就系饭焦太多，可能系我食太慢，啲饭煎窿咗啲。总体嚟讲系抵食嘅，量充足，牛肉都唔会难食或者韧。