影片
更多
2016-10-07
637 浏览
前排小弟系脸书见到朋友系铜锣湾食咗个用花胶做汤底嘅乌冬，心郁郁就上网search下，原来呢间餐厅叫萤寿司，系铜锣湾港铁站C出口对面嘅京都广场，于是我就揾咗个大学同学同我一齐试下新野。是日系星期二，我地约咗食七点，上到去见到餐厅都唔算好爆，侍应比咗个近开放厨房嘅位我地，侍应姐姐就话今日推介系串烧同手打乌冬。我地研究咗餐牌一阵之后，决定叫个冷盘、刺身同熟食。冷盘我地想试下日本豆腐沙律，刺身我地叫咗三文鱼、八爪鱼、鲷鱼、油甘鱼；熟食就有盐烧厚切牛舌、什锦天妇罗、盐烧手羽，当然唔少得个花胶鸡丝浓汤手打乌冬啦！饮品方面，我地就饮得健康d，饮鲜榨果汁。夏日热辣辣，梗系要食番d冷盘啦，个豆腐沙律好开胃，胡麻酱配豆腐好夹，一个人食哂成碟都唔怕肥呀！食日本菜，刺身一定唔少得，三文鱼系必食嘅，呢度标榜用挪威三文鱼，所以极鲜甜；八爪鱼唔算好韧，可以接受；绸鱼同油甘鱼唔腥，都几爽口，整体都算高质素。到熟食啦，烧牛舌切得厚薄岩岩好，所以一食落去唔会觉得好韧，仲有好香烧烤同黑椒味；什锦天妇罗个炸虾好新鲜，虾肉爽口，一d都唔霉；炸冬菇同炸茄子都唔会好干好硬，推介！仲有个烧鸡翼，烧到个鸡皮脆卜卜，又够咸，入面d肉都算
是日系星期二，我地约咗食七点，上到去见到餐厅都唔算好爆，侍应比咗个近开放厨房嘅位我地，侍应姐姐就话今日推介系串烧同手打乌冬。我地研究咗餐牌一阵之后，决定叫个冷盘、刺身同熟食。冷盘我地想试下日本豆腐沙律，刺身我地叫咗三文鱼、八爪鱼、鲷鱼、油甘鱼；熟食就有盐烧厚切牛舌、什锦天妇罗、盐烧手羽，当然唔少得个花胶鸡丝浓汤手打乌冬啦！饮品方面，我地就饮得健康d，饮鲜榨果汁。
夏日热辣辣，梗系要食番d冷盘啦，个豆腐沙律好开胃，胡麻酱配豆腐好夹，一个人食哂成碟都唔怕肥呀！
食日本菜，刺身一定唔少得，三文鱼系必食嘅，呢度标榜用挪威三文鱼，所以极鲜甜；八爪鱼唔算好韧，可以接受；绸鱼同油甘鱼唔腥，都几爽口，整体都算高质素。
到熟食啦，烧牛舌切得厚薄岩岩好，所以一食落去唔会觉得好韧，仲有好香烧烤同黑椒味；什锦天妇罗个炸虾好新鲜，虾肉爽口，一d都唔霉；炸冬菇同炸茄子都唔会好干好硬，推介！仲有个烧鸡翼，烧到个鸡皮脆卜卜，又够咸，入面d肉都算嫩，大家不妨试试。
今次个主角出场啦，就系花胶鸡丝浓汤手打乌冬啦，当我第一眼见到个乌冬果阵，个汤底咁稠，就已经知道系好野，因为妈咪话煲到d花胶熔哂，个汤底先会咁稠架，仲有个乌冬好足料，有几多鸡丝，仲有只溏心蛋，我仲食到有d鱼唇系入面，大家宜加唔好再食鱼翅啦，又贵又唔环保，食鱼唇都得架，唔讲以为食紧鱼翅添呀，再加埋乌冬，浓浓嘅汤汁挂哂上乌冬，其他粉面系做唔到架！
今次黎呢间萤寿司真系令我好难忘，尤其系个花胶乌冬，大家一定要试下呢个招牌菜呀！
张贴
