Hungry Korean (渣甸中心)

营业中

休息中

我大肚𠮶时成日都会去帮衬hungry korean，一嚟佢系fast food restaurant，可以食饱饱快啲返屋企休息。二嚟佢嘅份量可以满足到我。三嚟佢味精同糖分唔多，啱哂当时好需要健康饮食嘅我。已经都有半年以上无帮衬，难得今日系铜锣湾收工，就入去捧下场。之前都系帮衬开晚市，发现原来佢有做下午茶优惠，同晚餐餐牌一样的所有item便宜$10，而且下午茶时段至5:30pm。喺而家晚市仲未开返嘅情况下入去食个early dinner都几抵。💎 泡菜汤我仲加咗韩式粉丝。有豆腐两块，少量肉，泡菜同粉丝，再配上一碗白饭。下午茶价钱，但份量同晚餐一样大。泡菜汤辣度适中，韩式粉丝索哂泡菜汤好味道，基本上唔食白饭都够饱。💎 韩式饭卷我拣咗鸡肉做馅，除咗鸡肉都几多材料，仲有菠菜，鸡蛋，青瓜，红萝卜。食落甜甜地又咸咸地，饭卷厚实，口感丰富。人均消费💰 ： ＄ 42总结✍ ： 佢唔算浓味，以呢个价钱同饱肚程度磪实系值回票价。