舍利鮨 (已結業)

喺元朗由龙师传所主打嘅omakase餐厅舍利鮨终于喺港岛嘅铜锣湾开咗分店啦！佢哋嘅用料上乘，大部分嘅食材都由日本直送，所以好有日本嘅味道。喺品尝佳肴前先饮返碗店家嘅面豉汤。呢次有好几款都好想推介，分别系寿司嘅大拖罗，北海道嘅白海胆，酱油渍中拖罗，䲠鱼，一品料理嘅慢煮仙凤趾蚝。酱油渍中拖罗：油脂无大拖罗咁丰腴，肉质会较厚实，鱼味都会较淡，所以同秘制嘅酱油非常夹，系另一番风味。䲠鱼寿司：呢款鱼好少地方见到，其实连听都未听过，但系食落肉质较中拖罗扎实，鲜味更加突出，系款好特别嘅寿司。北海道白海胆：北海道白海胆系海胆中嘅极品。佢哋最大特色就是粒大而长，味道清雅脱俗，口感极佳。大拖罗：见到肉身色泽偏白带雪花纹路，肥美无筋，油腴肥嫩，入口即溶，足够让人无比沉醉。慢煮仙凤趾蚝：仙凤趾蚝喺日本有「海中牛奶」的美誉。北海道厚岸湾仙凤趾是以生蚝闻名的地方，海水与饱含矿物质的湖水混合，孕育出尺寸瞩目、肉身肥厚、质地滑口的生蚝，再加上龙师传独特嘅慢煮手法，令其味道变得更加鲜甜浓郁，口感嫩滑，令人回味无穷。清酒最啱炎炎夏日食住咁好嘅日式料理嘅时候品尝。