燒魂

营业中

休息中

朋友聚会。见到餐厅除咗有自助烧肉外，仲有热食、刺身同日式冷盘，最紧要系食物同嘢饮都系任饮任食。放题嘅食物选择多；烧肉、刺身、烧物、一品料理、炸物、寿司、天妇罗、炒杂菜、牛油粟米、蚝仔泡饭，应有尽有。首先叫咗一份刺身，虽然可供选择嘅刺身款式唔算多，但新鲜，而且份量十足。三文鱼腩肥美，赤海虾大只，口感弹牙，食落去又鲜又甜。另外泰式生虾都好出色，虾肉结实，配埋泰式海鲜酱真系正！烧牛肉都唔错，牛舌薄切食落有口感，黑毛和牛肉，入口香浓。猪肉都系好嘅选择，烧猪颈肉，肉质爽嫩，入面juicy。Suprise嘅系每款肉都有唔同嘅味道选择，例如柚子味、烧汁味或其它味等等。最后真系要试下啫啫通菜煲！通菜爽脆，保持到啫啫煲嘅风味。