十二味貴陽牛肉粉 (已結業)

今次是我第二次吃牛肉粉，上一次因为病了所以吃不出味道来，隔了两个月，店内也没有太大改变。小食依旧仍是只有一款，不过就新出了销魂凉面及绝味卷粉。看似很辣很吸引，但配料较少，所以另外加了几款𩠌。全家福牛肉粉 (清汤) $98材料丰富，除左粉够多，仲有卤豆腐，卤蛋，牛肉粒，牛肉片，牛筋，牛𦟌，全部嚟一个大杂汇。汤底虽然拣左清汤，但系味道清得嚟都带点浓厚既味，绝对归功于配料(葱、蒜、芫茜、麻辣)既发挥。粉非常滑口，牛肉粒肉感重，牛肉片爽口，牛𦟌腍身，反而卤蛋有少少奇怪，被牛肉粉既味道盖过左本身既卤味，不过整体汤底取胜。销魂凉面 $42见呢个系新产品于是试下，虽然只系拣左小辣，但系其麻辣味已经稍稍突出，不过对于食得辣既老公，佢话越食越开胃。凉面之中，又加左牛肉片$18、牛肚$18、牛肉丁$18 三样𩠌，对于麻辣既味道，三牛就十分配合。凉面既面身食起上嚟可能会唔习惯，因为比起平时食开既，略为硬身，但整体都唔错，夏天食凉面非常合适。食完会有少少口喝，因为汤底比较浓味，看似淆了很久，正宗的贵阳风味应该就是这样。